Vågå kommune sin kulturpris for 2009 går til Stiggruppa i Nordherad. Det er hovudutval for oppvekst, kultur og omsorg som er juryen for prisen som kan delast ut kvart år. Stiggruppa får prisen for arbeidet dei har gjort med å rydde og merke stigar og lage til turkart i Nordherad. Utdelinga finn stad laurdagen under Vågådågå på utearrangementet ved kommunehuset ved høgstdag. Leiar i stiggruppa Asbjørn Visdal oppmodar alle Nordheringer og særleg alle dei som har vore med på dugnadar opp gjennom dei ti åra stiggruppa har arbeidd, til å vere til stades ved utdelinga.