Nordherad vart i 2009 valt uit som eit av 20 utvalde kulturlandskap i Norge. (I 2010 kom to nye til.)

Informasjon om Nasjonalt utvalde kulturlandskap finn du på sida til Fylkesmannen i Oppland.

På Landbruks og matdepartementet si side finn du meir om kulturlandskap og om dei andre områda i "utvalde kulturlandskap-familien".

Under finn du informasjon om aktiviteten i samband med at Nordherad er eit utvald kulturlandskap:

Fjorårspotten på 640.000 kr er disponert og fordelt på ulike tiltak, hovudsakleg til vøling av hus og tun (610.000) og litt til vøling av den gamle trebrua ved Åbakken. Dei tiltaka som ikkje fekk tilskot frå fjorårsmidlane, er med i årets søkjarrunde. Det er ikkje tildelt tilskot til enkelttiltak av årets tildeling på kr 1,2 mill. enda, men også i år er den aller største delen, 850.000, sett av til hus, 250.000 til areal og resten til andre tiltak.

Midt i juni arrangerte styringsgruppa for Nordherad som utvald kulturlandskap "skjøtselseminar" for å styrke kompetansen til gardbrukarar og lokale rettleiarar på bruk og skjøtsel av areal med verdifull botanikk. Nokre svært kunnskapsrike botanikarar var foredragshaldarar, fleire av dei med ein del "interessante" forslag.

Dei tre direktørane som har med utvalde kulturlandskap å gjera, Janne Solli (direktør i Direktoratet for Naturforvaltning), Ola Rygh (direktør i Statens Landbruksforvaltning) og Jørn Holme (riksantikvaren) var her ein snøggtur ved sankthans. Dei var med i Mosøverjordet, Grevrusten og ein rundtur i grenda. Attendemeldingane deira om grenda og det som skjer her var positive.

De finn elles mykje om Nordherad på fylkesmannens heimeside, bla. referat frå møte i styringsgruppa for Nordherad som utvald kulturlandskap, planar m.m.

BEITEGRUPPA

LASERFOTOGRAFERING