Nordherad

Kulturlandskap

Nasjonalparkruta

Nasjonalparkriket er området rundt dei store nasjonalparkane Jotunheimen, Dovrefjell/Sunndalsfjella, Dovre, Rondane og Reinheimen; altså Nord-Gudbrandsdalen. Nasjonalparkruta er ein anbefalt biltur langs vegar som gir deg eit konsentrat av kva Nasjonalparkriket har å tilby. På stoppunkta er det informasjon om nærliggande nasjonalpark, Frå her kan du ta korte vandreturar langs tematiserte natur- og kulturstigar eller lengre turar til utvalde høgdepunkt. Kulturstigen i Nordherad, Ulvestigen, er eit av desse stoppunkta på nasjonalparkruta.

Grenda

I Nordherad er det omlag 100 husstandar. Grenda strekker seg frå kommunesenteret Vågåmo til grensa mot Lom. Det har budd folk i grenda frå før vikingtid. Framleis er det svært mange som får levebrødet sitt frå landbruket, og det er aktiv drift på dei fleste av gardane. Grenda har eit aktivt grendalag som steller til aktivitet for store og små på den nedlagte skulen Midtli, som grendalaget har teke over. Det er også frå grendalaget at Nordheradprosjektet sprang ut. Formålet med Nordheradprosjektet er å ta vare på kulturlandskapet og skape ny næring i grenda.